Stiven Catalyst

Nga terreni · Numri 2 · Nëntor 2026

Kur ngarkesa rritet

Presioni nuk i krijon gjithmonë problemet. I bën të dukshme. Nëntori hap sezonin më të ngarkuar në logjistikë. Për shumë ekipe, kjo do të thotë më shumë vëllim, më pak kohë dhe më shumë njerëz të rinj në të njëjtën kohë.

Numri
2
Faqe
10
Gjuhët
3
Hape numrin Lexoje si tekst Shkarko PDF
Faqja 1
Faqja 2
Faqja 3
Faqja 4
Faqja 5
Faqja 6
Faqja 7
Faqja 8
Faqja 9
Faqja 10
I gjithë teksti Lexoje numrin si tekst Për ekran të vogël, për kërkim ose për lexues ekrani. Të njëjtat fjalë, pa dizajnin e faqeve.

Trendi i muajit

Sezoni i pikut

Nëntori hap sezonin më të ngarkuar në logjistikë. Për shumë ekipe, kjo do të thotë më shumë vëllim, më pak kohë dhe më shumë njerëz të rinj në të njëjtën kohë.

  • 4,37 mld dërgesa korrier dhe pako në Gjermani në 2025
  • ~750 mln të pritura në nëntor dhe dhjetor 2025
  • 21 mln dërgesa në ditët më të ngarkuara
  • 20.000 punonjës shtesë për sezonin

Vëllimi rritet, por më ngadalë.

Në vitin 2025, në Gjermani u transportuan rreth 4,37 miliardë dërgesa korrier, ekspres dhe pako, rreth 2% më shumë se një vit më parë. Rritja vazhdon, por është më e ngadaltë nga sa pritej.

Dy muajt e fundit të vitit janë një botë më vete.

Për nëntorin dhe dhjetorin e 2025, shoqata e branshit BPEX priste rreth 750 milionë dërgesa, 1 deri në 2% më shumë se një vit më parë. Në pikun e sezonit, rrjetet lëvizin mesatarisht rreth 15 milionë dërgesa në ditë, dhe deri në 21 milionë në ditët më të ngarkuara.

Kapaciteti shtesë është kryesisht njerëz të rinj.

Për të përballuar sezonin, kompanitë e branshit shtonin deri në 20.000 punonjës dhe 17.000 automjete shtesë.

Dhe njerëzit nuk gjenden lehtë.

Sipas analizës së Agjencisë Federale të Punës për 2025, Gjermania kishte mungesë fuqie punëtore të kualifikuar në 157 profesione, dhe shoferët profesionistë janë ndër profesionet ku kërkesa mbetet e lartë.

Integrimi i të rinjve është pika e dobët.

Në kërkimin e Gallup të raportuar fillimisht në 2017 dhe 2018, vetëm 12% e punonjësve pajtoheshin fort se organizata e tyre e bën shumë mirë integrimin e të rinjve. Nuk është matje e këtij viti, por pyetja kthehet sa herë që një ekip shtohet me njerëz të rinj nën presion.

Çfarë do të thotë kjo

Në pik, një operacion nuk ka kohë të mësojë. Ajo që nuk është e qartë para se të rritet vëllimi, shfaqet gjatë tij: si gabim, si vonesë ose si problem për turnin tjetër.

Si e shoh nga terreni

Stiven Janaqi për ditët me kërkesë mbi parashikim

Stiven Janaqi ka qenë Team Leader dhe Area Manager në logjistikën e miljes së fundit, dhe sot punon si Night Auditor në hoteleri.

Çfarë ndodh me një operacion kur ngarkesa rritet?

Piku nuk krijon gjithmonë problemet. Shpesh vetëm i bën të dukshme.

Kur volumi rritet, SOP-ja e paqartë bëhet gabim. Trajnimi i paplotë bëhet vonesë ose problem cilësie. Komunikimi i dobët bëhet problem i turnit tjetër. Kapaciteti që dukej i mjaftueshëm në një ditë normale fillon të tregojë kufijtë e tij.

Çfarë ke parë në ditët kur kërkesa doli mbi parashikim?

Kam pasur ditë kur kërkesa doli mbi forecast. U deshën shoferë me njoftim të shkurtër, dhe kishte shoferë në fazën e ramp-up që nuk ishin ende plotësisht të përafruar me SOP-të.

Në një ditë të tillë, damage rate doli mbi target, me disa raste konkrete dëmtimesh gjatë operacionit. Për mua kjo është prova më e qartë se presioni operacional shfaqet direkt te cilësia. Njerëzit e rinj nën presion e ekspozojnë menjëherë dobësinë e standardizimit.

Çfarë do të bëje ndryshe sot?

Sot do të investoja më shumë përpara ngarkesës sesa gjatë saj. Kur presioni ka filluar, koha për të mësuar procesin bëhet shumë më e shtrenjtë.

Kapaciteti nuk është vetëm numër njerëzish. Është numër njerëzish që mund ta ekzekutojnë procesin në standard.

Piku nuk krijon gjithmonë problemet. Shpesh vetëm i bën të dukshme.

Mjeti i muajit

Dorëzimi i turnit

Kur volumi rritet, kujtesa personale bëhet më pak e besueshme. Handover-i bëhet memoria e operacionit. Dorëzimi i turnit në Stiven Catalyst e ndërton këtë në pak minuta: shifrat, çështjet e hapura me përgjegjës dhe orë, paralajmërimet dhe sigurinë. “Plotëso nga regjistrat” i merr shifrat nga regjistrat e dëmeve, të plotësisë dhe të vonesave, dhe gjithçka mbetet në shfletuesin tuaj.

Pesë fusha nën presion: Çfarë ndryshoi → Çfarë mbetet e hapur → Kush e mban → Deri kur → Çfarë duhet të dijë turni tjetër

Kur volumi rritet, kujtesa personale bëhet më pak e besueshme. Handover-i bëhet memoria e operacionit.

Për të lexuar

Tri ese nga seria “Dhjetë vite pranë punës”

Nga seria “Dhjetë vite pranë punës”:

  1. Pse handover-i është një nga proceset më të nënvlerësuara
    Dorëzimi si transferim përgjegjësie.
  2. Një SOP e mirë nuk është dokument
    Standardi që funksionon nën presion.
  3. Çfarë më mësoi last mile-i për menaxhimin real të operacioneve
    Operacioni live dhe treguesit e tij.

Pyetja për ju

Nëse nesër vëllimi juaj do të rritej me një të tretën, cili standard do të prishej i pari?

Burimet